आदिवासी जननायक बिरसा मुंडा यांची जयंती साजरी
 अभोणा, ता. 15- डांग सेवा मंडळ नाशिक संचलित जनता विद्यालय व कनिष्ठ महाविद्यालय अभोणा येथे आदिवासी जननायक, भगवान बिरासा मुंडा यांची जयंती साजरी करण्यात आली. या कार्यक्रमाचे अध्यक्ष मुख्याध्यापक श्री बुवा एस. एस. होते. यावेळी सर्वप्रथम बिरसा मुंडा यांच्या प्रतिमेचे पूजन करण्यात आले. त्यानंतर विद्यार्थ्यांचे मनोगत झाले. नंतर श्री खुरकुटे जी. एन. यांनी बिरासा मुंडा यांच्या जीवन व कार्याचा परिचय करून दिला. शेवटी कार्यक्रमाचे अध्यक्ष श्री बुवा सर यांचे मनोगत झाले. विद्यार्थ्यांनी बिरसा मुंडा यांच्या विचारांचे अनुकरण करावे असा संदेश त्यांनी दिला. या कार्यक्रमासाठी उपमुख्याध्यापक श्री जाधव डी. व्ही., पर्यवेक्षक श्री आहिरे आर. एस. श्रीमती गायकवाड बी. एस. सर्व शिक्षक, शिक्षकेत्तर कर्मचारी व विद्यार्थी उपस्थित होते. या कार्यक्रमाचे सूत्रसंचलन श्री ज्ञानेश्वर सोनवणे यांनी केले.