स्व. डॉ विजयजी बिडकर यांचा स्मृती दिन साजरा
अभोणा - दि. 4- डांग सेवा मंडळ नाशिक, संचलित जनता विद्यालय व कनिष्ठ महाविद्यालय अभोणा येथे डांग सेवा मंडळ संस्थेचे माजी सचिव, आरोग्यदूत, देवमाणूस, क्रीडाप्रेमी,वाचनाचे व्यासंगी,दिनदुबळ्याचे कैवारी निसर्गप्रेमी, डॉ.विजयजी बिडकर यांना स्मृती दिन साजरा करण्यात आला. या कार्यक्रमाचे अध्यक्ष मुख्याध्यापक श्री सागर ए एम सर होते. यावेळी सर्वप्रथम डॉ साहेबांच्या प्रतिमेचे पूजन करून पुष्पहार अर्पण करण्यात आला. त्यानंतर विद्यार्थ्यांनी भाषण केले. नंतर श्री सोनवणे ज्ञानेश्वर सोनवणे व श्रीमती प्रियंका खैरनार यांनी डॉ. साहेबांच्या जीवन व कार्याचा परिचय करून दिला. शेवटी कार्यक्रमाचे अध्यक्ष श्री सागर ए. एम. यांचे मनोगत झाले. त्यात त्यांनी डॉ. साहेबांच्या आरोग्य विषयक कार्याचा परिचय विद्यार्थ्यांना करून दिला. सर्व विद्यार्थ्यांनी डॉ साहेबांच्या विचाराचे अनुकरण करावे असा मोलाचा संदेशही दिला. या कार्यक्रमासाठी पर्यवेक्षक श्री आहिरे आर एस व सर्व शिक्षक, शिक्षकेत्तर कर्मचारी, वसतिगृहाचे सर्व कर्मचारी व विद्यार्थी उपस्थित होते.